काठमाडौं, १३असोज। देशभर अविरल वर्षासँगै आएको बाढीपहिरोका कारण जनजीवन अस्तव्यस्त बनेको छ। राजधानी काठमाडौं उपत्यकासहित देशका अधिकांश भूभागमा बाढीपहिरोले ठूलो क्षति पुर्याएको छ।
पृथ्वी राजमार्गको झ्याप्ले खोलामा गएको पहिरोले गाडी पुरिँदा कम्तीमा १४ जनाको मृत्यु भएको छ भने दर्जनौँ घाइते भएका छन्। राजधानी काठमाडौंमा पनि बाढीले घर बगाउँदा परिवार नै बेपत्ता भएको खबर आएको छ।
यता, प्रधानमन्त्री अमेरिका भ्रमणमा व्यस्त रहेका बेला देशबासी विपत्तिमा परेका छन्। सरकारले राहत तथा उद्धारको कामलाई तीव्रता दिएको भनियएतापनि प्रभावकारी हुन सकेको छैन। अधिकांश सडक मार्ग अवरुद्ध हुँदा यातायात सेवा ठप्प प्रायः छ।
विज्ञहरूको भनाइ
विज्ञहरूले जलवायु परिवर्तनका कारण यस्ता प्राकृतिक प्रकोपहरू बढ्दै गएको बताएका छन्। सरकारले विपद् व्यवस्थापनको लागि दीर्घकालीन योजना बनाउनुपर्ने उनीहरूको माग छ।
जनताको आक्रोश
यस विपत्तिमा परेका जनता सरकारको ढिलासुस्तीप्रति आक्रोशित छन्। उनीहरूले समयमै उद्धार तथा राहत नपाएको गुनासो गरेका छन्।
सरकारको अपिल
सम्बन्धित निकायहरूले जनतालाई सतर्क रहन र सुरक्षित स्थानमा बस्न आग्रह गरेका छन्। साथै, सरकारले विपद् व्यवस्थापनका लागि सबै स्रोत साधन परिचालन गरिरहेको जनाएको छ।
