पोखरा, १५ असोज। रक्तिम, सामाना र संगम संयुक्त सांस्कृतिक अभियान केन्द्रीय परिवारले सहिद परिवार र बेपत्ता योद्धा परिवारलाई सम्मान गर्दै विविध सांस्कृतिक कार्यक्रम आयोजना गर्ने भएको छ।
भोलि असोज १६ गते दिउँसो २ बजेदेखि ५ बजेसम्म पोखरा सभागृहमा आयोजना हुने यस कार्यक्रममा जनप्रिय गायक जीवन शर्मासहित नारायण योगी, नारायण शर्मा, निलिमा पुन लगायतका चर्चित कलाकारहरूको प्रस्तुति रहने आयोजकले जनाएको छ।
कार्यक्रमका मुख्य आकर्षण सहिद परिवार र बेपत्ता योद्धा परिवारलाई बिशेष सम्मान गरिनेछ। साथै कार्यक्रममार्फत सांस्कृतिक एकतालाई प्रवर्द्धन गर्ने उद्देश्य राखिएको छ।
आयोजकको अपिल:
सहिद परिवार र बेपत्ता योद्धा परिवारलाई सम्मान गर्न आयोजित यस कार्यक्रममा सबैलाई उपस्थित हुन आयोजकले हार्दिक अनुरोध गरेको कुरा नारायण अधिकारी ‘निश्चल’बताउनुभयो।
