कपिलवस्तु,२८ असोज। कपिलवस्तुको विजयनगर गाउँपालिकाबाट सिसौँको काठसहित एक व्यक्ति पक्राउ परेका छन् । आइतबार साँझ अवैध रूपमा काठ ओसारपसार गरिरहेको अवस्थामा स्थानीय दुर्गाप्रसाद आरखलाई प्रहरीले पक्राउ गरेको हो । प्रहरीले उनको साथबाट १० थान सिसौँको गोलिया काठ र ट्याक्टर बरामद गरेको छ ।
चोरी तथा निकासी भइरहेको सूचनाका आधारमा प्रहरीले उक्त काठ, ट्याक्टर र त्यसमा संलग्न व्यक्तिमाथि अनुसन्धान गरिरहेको वन अधिकृत वली मोहम्मद खानले जानकारी दिए ।
