गोरखा, ९ कार्तिक। पालुङटार नगरपालिका स्वास्थ्य शाखाले आयोजना गरेको आर्थिक वर्ष २०८०/८१ को उत्तर प्रसूति घरभेट (PNC Home Visit) कार्यक्रमको वार्षिक समिक्षा कार्यक्रम सम्पन्न भएको छ।
उक्त कार्यक्रमको अध्यक्षता स्वास्थ्य शाखाका जनस्वास्थ्य निरिक्षक श्री कृष्ण प्रसाद अधिकारीले गर्नुभएको थियो। कार्यक्रममा प्रमुख अतिथिको रूपमा पालुङटार नगरपालिकाका नगर प्रमुख विबश चिन्तन र विशिष्ट अतिथिको रूपमा नगर उप-प्रमुख बन्दना पाण्डे उपस्थित हुनुहुन्थ्यो। साथै, नगरपालिकाका प्रमुख प्रशासकीय अधिकृत गौतम भण्डारी अतिथिका रूपमा कार्यक्रममा सहभागी हुनुभएको थियो।
कार्यक्रममा स्वास्थ्य शाखाका अस्पताल नर्सिङ निरिक्षक गोमा श्रेष्ठले उत्तर प्रसूति घरभेट कार्यक्रमको उद्देश्य र महत्वका बारेमा प्रकाश पार्नुभएको थियो। कार्यक्रममा नगरपालिकाका विभिन्न स्वास्थ्य संस्थाका प्रमुख र आमा सुरक्षा कार्यक्रमका फोकल व्यक्तिहरूको उपस्थिति रहेको थियो।
उत्तर प्रसूति घरभेट कार्यक्रम एक महत्वपूर्ण स्वास्थ्य कार्यक्रम हो जसले प्रसूति भएका आमाहरूलाई घरमै पुगेर स्वास्थ्य सम्बन्धी परामर्श र सेवा प्रदान गर्दछ। यस कार्यक्रमले नवजात शिशु र आमाको स्वास्थ्यलाई सुरक्षित राख्न महत्वपूर्ण भूमिका खेल्दछ।
पालुङटार नगरपालिकाले यस कार्यक्रमलाई सफल बनाउन गरेको प्रयासको प्रशंसा गर्दै नगर प्रमुख श्री विवस चिन्तनले यसले गर्भवती महिला र नवजात शिशुको स्वास्थ्यमा सुधार ल्याउने विश्वास व्यक्त गर्नुभयो।
