काठमाडौं, २० कार्तिक। नेकपा (माओवादी केन्द्र) कीर्तिपुर नगर समितिको हिजो सम्पन्न महत्वपूर्ण बैठकले आगामि मंसिरमा हुने उपनिर्वाचनमा कीर्तिपुर नगरपालिकाको मेयर पदका लागि प्राध्यापक डा. शिवशरण महर्जनलाई सर्वसम्मतिले उम्मेदवार बनाउने निर्णय गरेको छ।
उक्त बैठकमा पार्टी उपाध्यक्ष, प्रवक्ता तथा बागमती प्रदेश इन्चार्ज अग्नी प्रसाद सापकोटाको विशेष उपस्थिति रहेको थियो। उहाँले डा. महर्जनलाई विजयी बनाउन पार्टी कार्यकर्ता तथा आम जनसमुदायलाई एकजुट भएर लाग्न आह्वान गर्नुभएको छ।
डा. शिवशरण महर्जनको उम्मेदवारीले कीर्तिपुरमा नयाँ युगको थालनी:
डा. शिवशरण महर्जन एक अनुभवी शिक्षाविद् तथा समाजसेवी हुनुहुन्छ। उहाँको उम्मेदवारीले कीर्तिपुरमा विकास, समृद्धि र सुशासनको नयाँ युगको थालनी हुने विश्वास पार्टीले लिएको छ।
कीर्तिपुरबासीलाई मतदानको अपिल:
नेकपा (माओवादी केन्द्र) ले कीर्तिपुरबासी सम्पूर्ण जनसमुदायलाई आउँदो उपनिर्वाचनमा गोलाकार भित्रको हँसिया हथौडा चिन्हमा मतदान गरी डा. शिवशरण महर्जनलाई विजयी बनाउन हार्दिक अपिल गरेको छ।
