गोरखा,१६ मंसिर। गोरखा नगरपालिका-५ को वडाध्यक्षमा नेकपा माओवादी केन्द्रका विष्णुबहादुर मगर निर्वाचित भएका छन्। मगरले ४८६ मत प्राप्त गरी विजयी भएका हुन्। उनका निकटतम प्रतिद्वन्द्वी नेपाली कांग्रेसका भाइकाजी आले ४०२ मतमा सीमित रहे।
यो वडामा २०७९ सालको स्थानीय तह निर्वाचनमा नेकपा एमाले विजयी भएको थियो। यसपटक भएको उपनिर्वाचनमा कांग्रेस, एमाले, माओवादी केन्द्रसहित ९ वटा दलको प्रतिस्पर्धा रहेको थियो।
२२२५ मतदाता रहेको यस वडामा आज भएको मतदानमा १३७३ मत खसेको थियो। गण्डकी प्रदेशमा यस वडामा मात्र उपनिर्वाचन भएको थियो।
