गोरखा,२० मंसिर। गोरखाको अजिरकोट गाउँपालिकाले कक्षा ५ को स्थानीय पाठ्यक्रममा जनयुद्धसम्बन्धी सामग्री समावेश गरेपछि देशव्यापी सकारात्मक बहस सुरु भएको छ। यो निर्णयले नेपाल धर्तीमा असमानता र बिभेदका बिरुद्ध नेपाली धर्तीमा गरिएको जनताले गरेको १० बर्षे महान जनयुद्धको इतिहासलाई उजागर गर्दै शिक्षा क्षेत्रमा नयाँ बहसको सुरुवात गरेको छ।
अजिरकोट गाउँपालिकाले प्रकाशन गरेको ‘मेरो सेरोफेरो’ नामक पाठ्यपुस्तकमा जनयुद्धको पहिलो पोस्टर र जनमुक्ति सेनाको तस्बिर सहित ऐतिहासिक परिवर्तनका परिदृश्यहरूमा जनयुद्धको विषय समावेश गरिएको छ। गाउँपालिका अध्यक्ष दीपक देवकोटाका अनुसार स्थानीय सरकार सञ्चालन ऐनअन्तर्गत नै स्थानीय पाठ्यक्रम बनाइएको हो र गणतन्त्र स्थापनामा जनयुद्धको भूमिकाबारे नयाँ पुस्तालाई जानकारी गराउन यो कदम चालिएको अध्यक्ष दीपक देवकोटाले बताउनु भयो।
यो माहन कार्यहरुको यथार्थ बिषय नयाँ पुस्तालाई ईतिहास मार्फत पढाउने कुराको पक्षमा तर्क गर्नेहरुको अनुसार जनयुद्ध नेपालको राजनीतिक इतिहासको एक महत्वपूर्ण अध्याय हो र यसलाई पाठ्यक्रममा समावेश गर्नु अनिवार्य छ। यसले नयाँ पुस्तालाई देशको इतिहासबारे पूर्ण जानकारी दिनेछ।
राजा महाराजाको झुठा ईतिहास पढाएर जनतालाई उल्लु बनाउने तप्काको बिरोधको लागि गर्ने विरोधीहरू चाँहि फगत राजनीतिकरण हो र यसले विद्यार्थीहरूमा विभाजन ल्याउन सक्छ। उनीहरूको कुतर्क छ कि विद्यालयलाई राजनीतिक बहसको थलो बनाउनु हुँदैन।
यस बिषयमा विज्ञहरूको भनाइ
शिक्षाविद्हरूको भनाइमा, इतिहासलाई तथ्यपरक रूपमा पढाउनुपर्छ र विद्यार्थीहरूलाई आफ्नै निष्कर्ष निकाल्न प्रोत्साहित गर्नुपर्छ। राजनीतिक विश्लेषकहरू भने यस निर्णयले देशको राजनीतिक बहसलाई पुनर्जीवित गर्ने बताउँछन्।यो निर्णयले नेपाली समाजमा व्यापक बहस सिर्जना गरेको छ। सामाजिक सञ्जालमा यस विषयमा तातो बहस चलिरहेको छ। शिक्षक, अभिभावक र विद्यार्थीहरूले यस विषयमा फरक-फरक धारणा राखेको पाइन्छ।
अजिरकोट गाउँपालिकाको यस निर्णयले नेपालको शिक्षा क्षेत्रमा नयाँ बहसको सुरुवात गरेको छ। यसले इतिहास पठनपाठनको विषयमा गम्भीर बहसलाई निम्त्याएको छ।
