अहिलेको एकता रणनीतिक होइन, राष्ट्रिय आवश्यकता र जनविद्रोहको परिणाम हो: संयाेजक प्रचण्ड

काठमाडौं । नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ले वामपन्थी एकता कुनै ‘रणनीतिक वा ट्याक्टिकल’ सम्झौता नभई राष्ट्रिय आवश्यकता र जनआकांक्षाबाट प्रेरित ऐतिहासिक कदम भएको बताउनु भएकाे छ ।

बुधबार राष्ट्रिय सभागृहमा आयोजित वामपन्थी एकता तथा समायोजन सभालाई सम्बोधन गर्दै संयोजक प्रचण्डले हालको राजनीतिक परिस्थितिमा वामपन्थी शक्तिहरू एक ठाउँमा आउनुको अर्थ गहिरो र दीर्घकालीन भएको बताउनु भयाे ।

‘यो कुनै ट्याक्टिकल एकता होइन,’ उहाँले स्पष्ट गर्दै भन्नुभयाे, ‘राष्ट्रलाई संकटबाट बचाउन, जनताका सपना र समाजवादको यात्रालाई पुनः सही दिशामा डोर्याउन हामी एक भएका हौँ । जेनजी विद्रोहले नेपाली समाज र राजनीतिक नेतृत्वलाई गम्भीर आत्ममूल्यांकन गर्न बाध्य बनायो । त्यो जनविद्रोहले भ्रष्टाचार, असमानता र अल्छी नेतृत्वविरुद्ध एउटा नयाँ चेतना जगाएको छ । म ती युवाहरूप्रति कृतज्ञ छु ।’

प्रचण्डले वामपन्थी एकतालाई दीर्घकालीन रणनीति र समाज रूपान्तरणको स्थायी अभियानको रूपमा लिन आग्रह गर्नुभयाे । उहाँका अनुसार यो एकता केवल केही नेताहरूबीचको सत्ता साझेदारी होइन, बरु देश र जनताको साझा भविष्य निर्माण गर्ने ऐतिहासिक मोड हो ।

‘हामीले विगतका गल्तीबाट सिकेका छौँ,’ उहाँले भन्नुभयाे, ‘अघिल्लो पटक नेकपा एमाले र माओवादी केन्द्रबीचको एकता केपी ओलीको अहंकार र सत्ता-दुरुपयोगका कारण टुटेको थियो । तर यो पटकको एकता नेतृत्वको अहंकार होइन, विचार, जनभावना र समाज रूपान्तरणको प्रतिबद्धतामा आधारित छ ।’

उहाँले वामपन्थी शक्तिहरूबीच हाल १२ घटक एकताबद्ध भइसकेको बताउँदै निकट भविष्यमै थप घटकहरू पनि पार्टीमा समाहित हुने जानकारी दिनुभयाे । ‘आजै पेरिसडाँडामा नेताहरूसँग छलफल भयो,’ उहाँले भन्नुभयाे, ‘यदि यही गति र समझदारीले एकता विस्तार भयो भने देशमा वामपन्थी बाहेकका पार्टीहरू अस्तित्वहीन बन्नेछन् ।’

प्रचण्डले पार्टी एकतालाई राष्ट्रिय स्थायित्व, सुशासन र समाजवादको यात्रातर्फको ऐतिहासिक मोडका रूपमा व्याख्या गर्दै जनतालाई एकताप्रति आशावादी रहन आग्रह गर्नुभयाे । ‘हामीले एकताको ढोका सबैका लागि खोलिएका छौँ,’ उहाँले भन्नुभयाे, ‘हामी विभाजन होइन, एकता, घृणा होइन, सहकार्य, र विगतका गल्ती होइन, नयाँ युगको प्रारम्भ गर्नतर्फ अघि बढिरहेका छौँ ।’

कार्यक्रममा उपस्थित वामपन्थी नेताहरूले पनि पार्टी एकतालाई ऐतिहासिक उपलब्धि र नेपाली जनताको दीर्घ प्रतीक्षाको उत्तरको रूपमा व्याख्या गर्नुभयाे ।

अहिलेको एकता रणनीतिक होइन, राष्ट्रिय आवश्यकता र जनविद्रोहको परिणाम हो: संयाेजक प्रचण्ड

प्रतिक्रिया दिनुहोस्

स्याङ्जा–१ मा राजनीतिक समीकरण फेरिने संकेत, शैलेन्द्र घिमिरे केन्द्रमा

नेवाः मिसा पुच कास्कीको झ्व भ्वय भव्य, १५ सय बढीको सहभागिता

अमेरिकाद्वारा भेनजुएलामाथि सैन्य आक्रमण, राष्ट्रपति मादुरो नियन्त्रणमा परेको बीबीसीको दाबी

साम्राज्यवादद्वारा प्रायोजित संसदीय चुनाव बहिष्कार नगरे जनताको भविष्य सकिन्छ : रामसिंह श्रीष

नेपाल ट्रस्ट जग्गा महालुट : ओलीको छायाँमा घुसको सौदा

राष्ट्र बचाउन ‘जनताको राष्ट्रिय एकता अनिवार्य’ : प्रचण्ड

नेकपाको शक्ति–प्रदर्शन धनगढीमा : पहिलो प्रदेशस्तरीय ‘एकता सन्देश सभा’ आज