त्रिभुवन विश्वविद्यालयले स्नातक तह दोस्रो वर्षको परीक्षा स्थगित

काठमाडौं, १२ असोज। त्रिभुवन विश्वविद्यालयले स्नातक तह दोस्रो वर्षको परीक्षा स्थगित गरेको छ। मिति २०८१/०६/१० गते देखि सञ्चालनमा रहेको मानविकी, शिक्षाशास्त्र, तथा व्यवस्थापन संकाय र विज्ञान तथा प्रविधि अध्ययन संस्थान अन्तर्गत स्नातक तह दोस्रो वर्ष २०८० आंशिक तर्फको बि.ए., बि.एड, बि.बि.एस. र बि.एस्सीको मिति २०८१/०६/१३ गते हुने परीक्षाहरू  मौसमको प्रतिकुलताका कारण स्थगित गरिएको हो।

विश्वविद्यालयले उक्त परीक्षाहरू मिति २०८१/०६/२१ गते सोही समयमा, सोही परीक्षा केन्द्रहरूमा सञ्चालन हुने गरी तोकिएको व्यहोरा निर्देशानुसार सम्बन्धित सबैको जानकारीका लागि यो सूचना प्रकाशित गरिएको छ। साथै सम्पूर्ण केन्द्राध्यक्षज्यूहरूलाई यही सूचनालाई आधिकारिक मानेर मिति २०८१/०६/१३ गते हुने गरी उल्लेख गरिएका सम्पूर्ण प्रश्नपत्रहरूका प्याकेटहरु नखोली सुरक्षित साथ मिति २०८१/०६/२१ गते प्रयोग गरिदिन हुन अनुरोध गरिएको छ।