गोरखा,८ कार्तिक। गोरखाको गण्डकी गाउँपालिकामा आयोजित दोस्रो अध्यक्ष कप छात्र/छात्रा फुटबल प्रतियोगिता सम्पन्न भएको छ। आज सम्पन्न प्रतियोगितामा विभिन्न विद्यालयका खेलाडीहरूबीच कडा प्रतिस्पर्धा भएको थियो।
छात्रतर्फ श्री विजया भवानी माध्यमिक विद्यालय गण्डकी-१ ले प्रथम स्थान हासिल गरेको छ। श्री ज्ञानमार्ग माध्यमिक विद्यालय दोस्रो र ताङ्लीचोक माध्यमिक विद्यालय गण्डकी २ तेस्रो भएका छन्।
छात्रातर्फ भने श्री भद्रकाली माध्यमिक विद्यालय गण्डकी-६ ले प्रथम स्थान हासिल गरेको छ। श्री रत्नेश्वर माध्यमिक विद्यालय गण्डकी ५ दोस्रो र श्री ज्ञान मार्ग माध्यमिक विद्यालय तृतिय भएका छन्।
गाउँपालिका अध्यक्ष दीपक तिमिल्सना साकारले पुरस्कृतहरुलाई पुरस्कार वितरण गर्नुभएको थियो । कार्यक्रममा वडा नम्बर ५ का वडाध्यक्ष पहलमान बयलकोटी वडा नम्बर ८ का अध्यक्ष कोकील बहादुर पुलामी,कार्यपालिका सदस्य लक्ष्मी श्रेष्ठ, शिक्षा अधिकृत सुदिप पन्त ,विद्यालयका प्र.अ.हरु तथा शिक्षक साथै जनसमुदायको ब्यापक उपस्थित रहेका थियो
