कनठमाडौं। हामी सबैले पार्टी र संगठनलाई जीवन्त, सशक्त र जनउत्तरदायी बनाइराख्न निरन्तर बहस, छलफल, संघर्ष र रुपान्तरण अनिवार्य हुन्छ। संगठन कुनै स्थिर ढाँचामा बन्दी हुने होइन, यो त विचारले दिशा दिने र नेतृत्वले ऊर्जा प्रवाह गर्ने एक गतिशील प्रक्रिया हो।तथापि पनि केही गुटगत मानसिकता बोकेका स्वार्थ समुहका नाइकेहरुले सुरुदेखि नै समानान्तर संरचना निर्माणका गतिविधि अघि बढाए।
तर, ‘अन्तरसंघर्ष’ को नाममा सधैं पदपूर्तिको सौदाबाजी गर्नु, व्यक्तिगत स्वार्थका घेराभित्र संगठनको मूल मर्म बिर्सनु घातक हो। समानान्तर संरचना निर्माणको अभ्यास गरिएको छ भनेर निराधार आरोप लगाउँदै अराजकताको डम्फू बजाउनु, सामाजिक सञ्जालका छायाँभित्रै संगठनलाई ध्वस्त पार्ने प्रयास गर्नु यो राजनीतिक नैतिकताको घोर पतन हो, जसलाई किमार्थ स्वीकार गर्न सकिन्न।
हामी सबै मानिस हौं त्रुटिहरू हुन्छन्, कमजोरीहरू आउँछन्। तर आत्मसमिक्षा गर्दै सुधारको बाटो समात्नु नै नेतृत्वको जिम्मेवारी हो। हरेक व्यक्तिका आफ्ना अनुभूति, दृष्टिकोण र सोच हुन्छन्। तिनलाई सम्मान गर्दै, आवश्यक मौनता, धैर्यता र संयमतासहित संगठनलाई अघि बढाउनु नेतृत्वको मूल धर्म हो।
तर कहिलेकाहीँ खुलापनका नाममा झनै द्वन्द्व, झन अराजकता निम्त्याउने प्रवृत्ति देखिन्छ। सबै कुरा सार्वजनिक गर्नैपर्छ भन्ने नाममा रणनीतिक मौनतालाई कमजोरी देख्ने सोच खतरनाक हुन्छ। भाइरल भेलु शैली, काण्डधारी उन्माद र उट्पट्याङ गतिविधिहरूलाई नै संगठनको गति ठान्ने प्रवृत्ति—अनुशासन, विचार र आदर्शको अपमान हो।
माथि-बाट कसैले मलाई सुरुदेखि नै समानान्तर अभ्यासको आरोप लगाए। कसैले बार्गेनिङको घेरामा पार्ने प्रयास गरे। सक्नुहुन्छ भने सम्पूर्ण शक्ति लगाएर मलाई असफल बनाउन खोज्नुहोस्—स्वीकार्य छ। तर हजारौं सहिदको रगतले सिँचिएको र जनगणतन्त्रको सपना बोकेको संगठनलाई बदनाम गर्ने अधिकार न तपाईंलाई छ, न मलाई। त्यो किमार्थ सह्य छैन।
म कुनै कृपाबाट यहाँसम्म आइपुगेको होइन। संघर्षको हरेक मोर्चामा होमिएर, त्याग, निष्ठा र इमानको मूल्य चुकाएर यो ठाउँमा आएको हुँ। र आज पनि आलोचनात्मक सुझावप्रति सधैं आभारी छु—यदि ती सुझावहरूले बाटो देखाउँछन् भने।
तर, मेरो नाममा, मलाई देखाएर संगठनमाथि अनावश्यक प्रहार गर्नेहरूलाई आज स्पष्ट चेतावनी दिन्छु
Ready to Fight!
वैचारिक रूपमा, नैतिक रूपमा, भौतिक रूपमा, निष्ठाका साथ, इमानदारीपूर्वक, निरन्तरतासहित आन्दोलनलाई झुक्न दिइने छैन।
अति गर, तर अत्याचार नगर।
हरेक प्रश्नको प्रत्येक उत्तर म न्याय र स्वाभिमानको झण्डा फहराउँदै दिन तयार छु।
(अनेरास्ववियू क्रान्तीकारीको केन्द्रीय अध्यक्ष हुन)
