काठमाडौं । जनार्दन शर्माले नेतृत्व गरेको प्रगतिशील अभियान, नेपालकी नेतृ अञ्जना विशंखेले प्रगतिशील अभियान नेपाल परित्याग गरेकी छन् । शर्मा नेतृत्वको अभियानमा विशंखेलाई दोस्रो वरियता अर्थात वरिष्ठ उपाध्यक्षको पदमा राखिएको थियो ।
विशंखेले आफू नेकपा माओवादी केन्द्रका संयोजक पुष्पकमल दाहाल प्रचण्डको नेतृत्वमा विभिन्न पार्टी र समूहको एकतापछि बनेको नेपाली कम्युनिष्ट पार्टीमै रहेको बताएकी छन् । उनले आफू व्यक्तिगत सम्बन्धका हिसाबले गए पनि अभियानमा नरहेको प्रष्ट पारेकी छन् ।
शर्माले भने विशंखेलाई वरिष्ठ उपाध्यक्ष पदमा राखेका छन् । शर्मा निकटहरुले विकिपिडियामासमेत विशंखेलाई वरिष्ठ उपाध्यक्ष भनेर अपडेट गरेका छन् । विशंखेले भने केन्द्रीय समिति बैठक र राष्ट्रिय सम्मेलनको माइनुटमा हस्ताक्षर गरेको नेपाली कम्युनिष्ट पार्टीको केन्द्रीय कार्यालयले जनाएको छ ।
