पोखरा। नेपाली कम्युनिस्ट पार्टीका उदयमान युवा नेता तथा संविधानसभा सदस्य राजकाजी गुरुङले ‘विप्लव’ समूहप्रति गहिरो आशंका र प्रश्न राख्दै आएका छन्। उनको भनाइ छ – “खोइ हाम्रो लाल सेना? खोइ हाम्रो हतियार एकताकाको चर्चित गीत?”
गुरुङले पार्टीभित्रका दुई पक्ष मुख्यतया प्रचण्ड नेतृत्व र विप्लव नेतृत्व बीचको ऐतिहासिक विभाजनलाई सम्झाउँदै यी प्रश्नहरू उठाएका हुन्। उनले तत्कालीन माओवादी पार्टीसँग बिभाजनको दिनदेखि नै विप्लव पक्षले ‘एकीकृत जनक्रान्ति’ नामक दस्तावेज प्रकाशित गरी आजको व्यवस्थालाई “दलाल संसदीय व्यवस्था” भनेर आलोचना गरेको सम्झाए।
यस्तै, उनले पार्टी विभाजनको क्रममा विप्लव पक्षले गाएको प्रसिद्ध गीतको अंश – “क्रान्ति माथि गद्दारी…” लाई पनि उद्धृत गरे। तर, आजका दिनमा यी सबै प्रश्नहरूको जवाफ आउला वा नआउला, गुरुङले एउटा कुरामा चासो व्यक्त गरे – “एउटा खुशी चाहिँ पक्कै आयो।” उनको भनाइमा, “उहाँहरू यहिँ आउनुभयो, धेरै अर्थ लाग्ने रातो गुलाफको फूल लिएर।”
गुरुङले आफ्नो भनाइलाई पुरानो कथन (“बुढापाकाले १२ वर्षमा खोलो फर्कन्छ भन्थे”) जोडेर भने, “त्यो त के होला, हेरौंला। तर स्वस्थ प्रतिस्पर्धा त हुने नै भयो। जितको शुभकामना छ।”
गुरुङको स्टाटस
खोइ हाम्रो लाल सेना खोइ हाम्रो हतियार एक ताकाको चर्चित गित पार्टी विभाजन ताका तत्कालीन माओवादी पार्टीको संस्थापन पक्ष मुख्यतया क. प्रचण्ड नेतृत्व विरुद्ध क.विप्लव हरुले गाइने गितको अंश थियो । क्रान्ति माथी गद्धारी भनेर फरक पार्टी र नयाँ विचारको विकास भनि एकिकृत जनक्रान्ति नामक दस्तावेज प्रकाशित गरिएको थियो । आजको व्यवस्थालाई दलाल संसदिय व्यवस्था करार गरिएको थियो आज यी प्रश्नका उत्तर आउला नआउला तर एउटा खुशी चाहि पक्कै आयो वहाँहरु यहि आउनु भयो धेरै अर्थ लाग्ने रातो गुलावको फूल लिएर। बुढापाका ले भन्थे १२ वर्ष मा खोलो फर्कन्छ भनेर त्यो त के होला हेरौला तर स्वस्थ प्रतिष्पर्धा त हुने नै भयो जितको शुभकामना छ।
https://www.facebook.com/share/p/17d3qAZXoA/
